Авӑн уйӑхӗн 30- мӗшӗнче Патӑрьел  тӑрӑхӗнчи чӑваш чӗлхипе литературине вӗрентекенсем Чӗмпӗр хулинче пулчӗҫ. Чӗмпӗр чӑваш шкулӗн комплексӗпе паллашрӗҫ, «И.Я. Яковлев хваттерӗ» музейра экскурси ирттерчӗҫ. Чĕмпĕрти чăваш шкулĕ — И. Я. Яковлев тăрăшнипе 1868 çулхи юпа уйăхĕн 28-мĕшĕнче уҫӑлнӑ.  Тĕрлĕ вăхăтра тĕрлĕ ятсемпе паллă пулнă. И. Я. Яковлев чи малтанах хăй вĕрентсе ăс панă çамрăксенчен халăха вĕрентекенсене хатĕрлес тесе тăрăшнă. Çакă унăн пĕрремĕш тĕллевĕ пулнă.

Музейӑн ӑслӑлӑх ӗҫтешӗ Светлана Борисова уйрӑмах  чӑваш алфавичӗпе тата чӑваш букварӗпе ҫыхӑннӑ экспонатсене тимлӗх уйӑрчӗ. Аслӑ Вӗрентекенӗн И.Я. Яковлевӑн пурнӑҫӗпе, ӗҫӗ-хӗлӗпе паллашрӗҫ. Чӗмпӗр чӑваш шкулӗнче вӗренекенсем ларнӑ ӗлӗкхи партӑсем хушшинче вырнаҫса вӑл вӑхӑтри пурнӑҫа аса илчӗҫ. Экскурсовод вӗсемпе усӑлӑ урок ирттерчӗ. Ҫавӑн пекех вӗрентекенсем Музей, Ӑ сас паллин палӑкӗ умӗнче асӑнмалӑх сӑн ӳкерӗнчӗҫ. Экскурси усӑллӑ, кӑсӑклӑ иртнӗ. Пурне те Чӗмпӗр чӑваш шкулне кайса курма сӗнетпӗр.