2023 çулхи нарăс уйăхĕн 22-мĕшĕнче И.Н.Ульянов ячĕллĕ Чăваш патшалăх университетĕнче регионсен хушшинче чăваш чĕлхипе литератури олимпиади иртрĕ. Олимпиадăн тĕллевĕсем – 9-11-мĕш классенче вĕренекен пултаруллă ачасене тупса палăртасси, чăваш чĕлхипе литературине  лайăхрах вĕренме хавхалантарасси. Чăваш тата вырăс шкулĕнче вĕренекенсем хăйсен пĕлĕвне, тавра курăмне олимпиадăн кăткăс ыйтăвĕсене хуравласа тĕрĕслерĕç. Ятарлă жюри ачасен ĕçĕсене тимлĕн тĕрĕслерĕ, тивĕçлĕ хак пачĕ.

Пĕтĕмĕшле илсен, олимпиадăра 136 вĕренекен тупăшрĕ. Сав шутра Чĕмпĕр облаҫĕнчен, Тутар Республикинчен те хутшăнакансем пулчĕҫ.

Республикăра иртнĕ олимпиадăра ҫĕнтерӱҫĕ йышне Патăрьелĕнчи 1-мĕш вăтам шкулта 11 -мĕш класра вĕренекен (вĕрентекенĕ – Путякова Н.А.) Муллина Ю. кĕме пултарчĕ.

Призерсем:

Александрова Л., Бахитова А., Степанова К., - Пăлапуҫ Пашьелĕнчи вăтам шкулта 9, 11-мĕш класра вĕренекенсем (вĕрентекенĕ – Никитина С.П.)

Михайлов Я., - Ишлĕ Шетмĕри пĕтĕмĕшле пĕлӱ паракан тĕп шкулта 9-мĕш класра вĕренекен (вĕрентекенĕ – Едифанова С.В.)

Павлова Т. – Нăрваш Шăхальти вăтам шкулта 11-мĕш класра вĕренекен (вĕрентекенĕ – Павлова Л.В.)

Острякова М. Патăрьелĕнчи 2-мĕш вăтам шкулта 11 -мĕш класра вĕренекен (вĕрентекенĕсем – Иванова М.И., Дмитриева Т.Ф.)

Регионсем хушшинчи олимпиадăра малти вырăнсене çĕнсе илме пултарнă вĕренекенсене тата вĕсен ертÿçисене саламлатпăр, малашне те ăнăҫу сунатпăр.