2020 çулхи нарăс уйăхĕн 25-мĕшĕнче И.Н.Ульянов ячĕллĕ Чăваш патшалăх университетĕнче регионсен хушшинче чăваш чĕлхипе литератури олимпиади иртрĕ. Олимпиадăн тĕллевĕсем – 9-11-мĕш классенче вĕренекен пултаруллă ачасене тупса палăртасси, чăваш чĕлхипе литературине  лайăхрах вĕренме хавхалантарасси. Чăваш тата вырăс шкулĕнче вĕренекенсем хăйсен пĕлĕвне, тавракурăмне олимпиадăн кăткăс ыйтăвĕсене хуравласа тĕрĕслерĕç. Ятарлă жюри ачасен ĕçĕсене тимлĕн тĕрĕслерĕ, тивĕçлĕ хак пачĕ.  

Олимпиадăна Патăрьелĕнчен район шайĕнче раштав уйăхĕнче иртнĕ олимпиадăра çĕнтернĕ 19 вĕренекен хутшăнчĕç.

Республикăра иртнĕ олимпиада çĕнтерÿçисем:

   Мальцева Ю. – Патăрьелĕнчи 1-мĕш вăтам шкулти 10-мĕш класра вĕренекен  (вĕрентекенĕсем – Путякова Н.А., Солдатова С.А.)

   Степанова Д. – Ыхра Ҫырми  вăтам шкулĕнче 11-мĕш класра вĕренекен (вĕрентекенĕ-    Кулакова С.П.)

    Призерсем:

 Силюкова А. - Патăрьелĕнчи 1-мĕш вăтам шкулта 10-мĕш класра вĕренекен  (вĕрентекенĕ – Путякова Н.А.)

 Матюшкина С. – Пăлапуҫ Пашьелĕнчи  вăтам шкулта 9-мĕш класра вĕренекен (вĕрентекенĕ – Никитина С.П.)

Мешков С. - Пăлапуҫ Пашьелĕнчи  вăтам шкулта 11-мĕш класра вĕренекен (вĕрентекенĕ – Матюшкина И.В.)

 Майкова Я. – Ыхра Çырминчи вăтам шкулта 10-мĕш класра вĕренекен (верентекенĕ – Кулакова С.П.)

 Юрмина Т. – Нăрваш Шăхаль вăтам шкулĕнче 10-мĕш класра вĕренекен (вĕрентекенĕ – Павлова Н.И.)

2020 çулхи нарăс уйăхĕн 26-мĕшĕнче Чăваш Республикин вĕренÿ институтĕнче регионсем хушшинче  тăван ен культурипе олимпиада иртрĕ. Районтан 11 вĕренекен хутшăнчĕҫ  кунта.

 Призерсем шутне Пăлапуҫ Пашьелĕнчи  вăтам шкулта 8-мĕш класра вĕренекен Степанова К. (вĕрентекенĕ – Никитина С.П.) тата Нăрваш Шăхаль вăтам шкулĕнче 9-мĕш класра вĕренекен Лаврентьев С. (вĕрентекенĕ – Павлова Н.И.) кĕме пултарчĕҫ.

Регионсем хушшинчи олимпиадăсенче малти вырăнсене çĕнсе илме пултарнă вĕренекенсене тата вĕсен ертÿçисене саламлатпăр, вĕренӱре тата кулленхи ĕçре çитĕнусем тума ҫирĕп сывлăх сунатпăр.